Ратавальнікі выступаюць за бяспечны Новы год!
Інфармацыйна-прапагандысцкая кампанія МНС «Бяспечны Новы год!» стартавала 16 снежня і завершыцца 30 снежня.
Акцыя «Бяспечны Новы год!» праводзіцца для таго, каб папярэдзіць пажары і няшчасныя выпадкі з-за неасцярожнага абыходжання з піратэхнічнымі вырабамі, а таксама парушэння правілаў пажарнай бяспекі пры падрыхтоўцы да навагодніх і калядных святаў.
Акцыя пройдзе ў два этапы:
першы этап (з 16 па 20 снежня)пройдзе на базе агульнаадукацыйных устаноў. Ратавальнікі правядуць з вучнямі інтэрактыўныя навучальныя заняткі і гульні, віктарыны з дэманстрацыяй мульфільмаў, фільмаў і відэаролікаў.
На другім этапе (з 23 па 30 снежня) мерапрыемствы пройдуць у месцах з масавым знаходжаннем людзей: на раённых мерапрыемствах, рынках, ёлачных кірмашах. Удзельнікаў чакаюць інтэрактыўныя праграмы ад ратавальнікаў, падарункі і сувеніры ад пажарнага Дзеда Мароза, а таксама шмат карыснай інфармацыі аб правілах бяспекі жыццядзейнасці.
Каб Новы год прайшоў без здарэнняў, неабходна памятаць і выконваць простыя і важныя правілы бяспекі:
– не выкарыстоўвайце піратэхнічныя вырабы каля ёлак;
– трымайце уключанай навагоднюю гірлянду не больш за 2 гадзіны;
– упрыгожвайце елку незгаральнымі цацкамі і мішурой.
Яркіх, радасных і бяспечных святаў!
Вадзім ПІВАВАРАЎ, інспектар РАНС.
