Бяспека аб’ектаў будаўніцтва – на кантролі ратавальнікаў
У лістападзе работнікі раённага аддзела па надзвычайных сітуацыях арганізавалі работу па забеспячэнні пажарнай бяспекі на тэрыторыі аб’ектаў будаўніцтва.
У ходзе правядзення прафілактычных мерапрыемстваў былі наведаны ўсе аб’екты будаўніцтва раёна, на якіх маюцца мабільныя (інвентарныя) будынкі. На будаўнічых пляцоўках і ў вагонах-бытоўках супрацоўнікі РАНС праверылі наяўнасць і спраўнасць пярвічных сродкаў пажаратушэння, наяўнасць пажарных апавяшчальнікаў у бытоўках, веданне работнікамі аб’ектаў нумароў выкліку экстранных службаў, правілаў паводзін у выпадку ўзнікнення надзвычайнай сітуацыі.
Ратавальнікі правялі з работнікамі будаўнічых арганізацый інструктажы аб мерах пажарнай бяспекі.
Па выніках мерапрыемстваў выяўлены парушэнні на наступных аб’ектах будаўніцтва: «рэканструкцыя будынка кацельні, размешчанай у аг. Мікіціха, вул. Юбілейная, д. 5а», «мадэрнізацыя будынка адміністрацыйна-спальнага корпуса ДАЦ «Дружба», размешчанага ў аг. Амбросавічы», «узвядзенне 40-кватэрнага жылога дома па зав.Угнявёнка, д. 9 г. п. Шуміліна».
Пра выяўленыя парушэнні праінфармаваны падрадчыкі, заказчыкі, а таксама райвыканкам.
Ілья ШНІПАЎ, старшы інспектар РАНС.
