«Не дарога, а проста песня!»
Падчас дня работы з насельніцтвам у Каўлякоўскім сельсавеце да прадстаўнікоў раённай улады звярнуліся жыхары вёскі Бондарава з просьбай адрамантаваць дарогу.
Работнікі ДРБУ‑204 задаволілі просьбу вяскоўцаў – дарога ў Бондараве заасфальтавана.
«На ўчастку дарогі Бешанковічы‑Крывое Сяло‑Улазавічы (праз вёску Бондарава) мы паклалі 853 метры новага асфальту», – удакладніў начальнік дарожнага прадпрыемства Уладзімір Раманаў.
«Не дарога, а проста песня! – падзялілася мясцовая жыхарка Святлана Голяс. – Роўная, без ямін, можна смела ехаць хоць на самакаце, хоць на веласіпедзе. Вялікі дзякуй кіраўніцтву раёна, дарожным работнікам за клопат і старанне!».
Ларыса КІСЯЛЁВА.
