Бульбай і капустай запасліся, саджанцы пасадзілі
У суботу, 26 кастрычніка, у Шуміліне адбыўся другі восеньскі кірмаш. Усе, хто хацеў, маглі запасціся бульбай, капустай, морквай, буракамі і цыбуляй, набыць саджанцы.
Калі на першым кірмашы многія сумняваліся, ці трэба запасацца капустай (надта цёпла, каб квасіць), то ў канцы кастрычніка так пытанне ўжо не стаяла. Таму людзі ахвотна разбіралі гародніну, бульбу і капусту бралі сеткамі. Чэргаў вялікіх не было, бо прадукты прадавалі адразу з некалькіх мікрааўтобусаў.
Чэргі былі да машыны прадпрыемства “Вясна-Энерга”, дзе гародніна была значна танней, чым у прыватных прадаўцоў, і да машыны з Гарадоцкай птушкафабрыкі, дзе прадавалі яйкі. Ахвотна куплялі шумілінцы саджанцы дрэў і кустоў, бо зараз аптымальныя тэрміны пасадкі пладовых культур.
Было і збожжа па 30 рублёў за мяшок ячменю ці пшаніцы.
На кірмашы таксама можна было купіць рабочае адзенне і абутак, была палатка з абуткам “Марка”.
Так што кожны мог зрабіць пакупку па сваёй кішэні і патрэбах. Запасы зроблены – чакаем зіму.
Сяргей ЕРМАЛАЕЎ.
