Раённая спартакіяда стартуе
З 24 кастрычніка да 10 снежня пройдзе спартакіяда работнікаў арганізацый і прадпрыемстваў Шумілінскага раёна.
Спартыўныя баталіі па 12 відах спор-ту (шашкі, настольны тэніс, валейбол, стральба з пнеўматычнай зброі, дартс, футзал, перацягванне каната, плаванне, баскетбол, бадмінтон, скачкі ў даўжыню з месца, чаўночны бег) будуць праходзіць у спартыўных залах фізкультурна-аздараўленчага цэнтра, СДЮШАР і СШ № 1 г. п. Шуміліна.
Да ўдзелу ў спартакіядзе запрашаюцца работнікі прадпрыемстваў, арганізацый і зборныя каманды індывідуальных прадпрымальнікаў не маладзей за 18 год. Склад каманды – да 20 чалавек + 1 трэнер + прадстаўнік, удзел кіраўніка ці намесніка абавязковы (від спорту выбіраецца самастойна).
Усе спартсмены – члены адной каманды па відах спорту – павінны мець адзіную спартыўную форму. Адзін удзельнік спаборніцтваў мае права выступаць не больш чым у трох відах спаборніцтваў.
Заяўкі на ўдзел у спартакіядзе прымаюцца да 23 кастрычніка ў электронным выглядзе на электронны адрас shumilinofok@mail.ru, у папяровым – на пасяджэнне судзейскай калегіі.
