Гурткі чакаюць дзяцей
З 3 па 10 верасня ў Беларусі праходзіць Рэспубліканскі тыдзень дадатковай адукацыі дзяцей і моладзі «Якасная дадатковая адукацыя дзяцей і моладзі сёння – паспяховая будучыня заўтра!».
«У Шумілінскім раённым цэнтры дзяцей і моладзі будуць працаваць каля 80 аб’яднанняў па інтарэсах, якія ахопяць больш за 800 хлопчыкаў і дзяўчынак, – расказала намеснік дырэктара па вучэбнавыхаваўчай рабоце цэнтра Іна Сінкевіч. – Прычым, не толькі ў нашым цэнтры, але і ў школах раёна (СШ № 1, СШ № 2, Обальскай і Мікіціхінскай СШ, Мішневіцкай і Слабадской БШ), Обальскім і Мікіціхінскім дзіцячых садах, фізкультурнааздараўленчым цэнтры. –
Большасць аб’яднанняў мастацкага накірунку. 29 гурткоў дэкаратыўнапрыкладнога профілю – тут можна навучыцца маляваць, вязаць, выпілоўваць і выпальваць, працаваць з прыродным матэрыялам, рабіць падзелкі з бісеру.
25 аб’яднанняў прысвечана мастацкай творчасці (танцы, вакальныя спевы, гульні).
Трэці накірунак фізкультурнаспартыўнага профілю – будуць працаваць 14 аб’яднанняў. Тут можна навучыцца тэхніцы вавінам в’ет во дао і грэкарымскай барацьбы, авалодаць спартыўнай гімнастыкай, навучыцца гуляць у футбол, хакей, валейбол і іншыя спартыўныя гульні».
Будуць працаваць гурткі па экалагічным выхаванні, фарміраванні інфармацыйнай культуры, інтэлектуальных гульнях, фальклоры, музейнай справе.
У гэтым навучальным годзе створаны і восем новых гурткоў – «Аб’ектыўна» (вучаць рабіць кантэнт для сацсетак, мабільным відэа і фота), «АйЦіМір» (работа з тэкстам і дадаткамі), «Артстудыя» (розныя віды дэкаратыўнапрыкладной творчасці), «Хімія вакол нас», «Музейная культура», «Свет камп’ютарнай графікі», «Юны мастак», «Дзіцячае ручное ткацтва».
7 верасня ў РЦДіМ у рамках тыдня дадатковай адукацыі адбудзецца свята адкрытых дзвярэй, дзе хлопчыкі і дзяўчынкі змогуць наведаць творчыя майстар-класы педагогаў дадатковай адукацыі. Будзе арганізавана экскурсія па абноўленым пасля рамонту будынку.
Ларыса КІСЯЛЁВА
