Выплаты дапамог пачаліся
Шумілінцы актыўна звяртаюцца за матэрыяльнай дапамогай да новага навучальнага года.
Як расказала дырэктар ТЦСАН Шумілінскага раёна Таццяна Донюш, у цэнтр з дакументамі звярнуліся 148 сямей, у якіх выхоўваюцца 307 дзяцей. Дапамога на сённяшні дзень выплачана 145 сем’ям (303 дзіцяці). Падлічана, што маюць права на дапамогу 255 сямей, дзе выхоўваецца 589 дзяцей. У раённым бюджэце на гэтыя мэты прадугледжана 76 тысяч 578 рублёў. Нагадаем, што сума матэрыяльнай дапамогі на адно дзіця складае 30% бюджэту пражытачнага мінімуму (129 рублёў).
Акрамя гэтага, з Фонду сацыяльнага страхавання аказваецца дапамога і сем’ям з дзецьмі‑інвалідамі. З 50 сямей у ТЦСАН звярнуліся за дапамогай 30, выплаты зроблены на сённяшні дзень 19 сем’ям.
Алена КАРПУШЭНКА.
