Дадзены старт уступнай кампаніі-2024
Указам Прэзідэнта Рэспублікі Беларусь ад 10.05.2024 №194 “Аб складзе дзяржаўнай камісіі” зацверджаны склад дзяржаўнай камісіі па кантролі за ходам падрыхтоўкі і правядзення уступнай кампаніі ў 2024 годзе. Старшынёй дзяржаўнай камісіі прызначаны намеснік Прэм’ер-міністра Рэспублікі Беларусь Петрышэнка І. В.
Віцебскую абласную камісію па кантролі ўзначальвае старшыня Камітэта дзяржкантролю Віцебскай вобласці Гадзяцкі В. В.
Асаблівасцю ўступнай кампаніі ў 2024 годзе стане тое, што цэнтралізаваны экзамен і цэнтралізаванае тэсціраванне пройдуць у адзіныя тэрміны (27 мая – па прадмеце на выбар, 30 мая – рускай ці беларускай мовах для выпускнікоў 11 класаў, выпускнікоў мінулых гадоў; 3 і 6 чэрвеня – па прадмеце на выбар для ўсіх абітурыентаў).
У Віцебскай вобласці правядзенне цэнтралізаванага экзамену прадугледжана ў 22 пунктах, цэнтралізаванага тэсціравання – у 4 пунктах, з іх: у г. Віцебску – у УА “Віцебскі дзяржаўны тэхналагічны універсітэт, у УА “Віцебскі дзяржаўны універсітэт імя П. М. Машэрава, у г. Полацку – у УА “Полацкі дзяржаўны універсітэт імя Ефрасінні Полацкай” (пройдуць адначасова ЦЭ і ЦТ), а таксама ў 5 каледжах і 14 школах Віцебскай вобласці (пройдзе ЦЭ).
Таксама вызначаны рэзервовыя дні для правядзення ЦТ: 19 чэрвеня можна будзе прайсці тэст па ўсіх прадметах; 23 чэрвеня – па рускай і беларускай мовах; 21 чэрвеня – па астатніх прадметах (пры наяўнасці паважлівай прычыны няяўкі).
Пачатак цэнтралізаваных іспытаў па ўсіх прадметах – 11.00. допуск удзельнікаў у пункты правядзення праводзіцца толькі па пропуску і дакументу, які сведчыць асобу.
Як і ў мінулыя гады, у мэтах выяўлення магчымых парушэнняў заканадаўства кантроль на ўсіх этапах уступных іспытаў, а таксама пры прыёме дакументаў і залічэнні будуць ажыццяўляць работнікі Камітэта дзяржкантролю.
Зварты грамадзян па спрэчных і праблемных пытаннях, якія ўзнікаюць у ходзе ўступнай кампаніі, прымаюцца з 27 мая па кантактных тэлефонах “гарачых ліній” у рабочыя дні з 9.00 да 18.00 (перапынак з 13.00 да 14.00):
у Камітэце дзяржкантролю Віцебскай вобласці – (0212) 37-61-82;
у Полацкім міжраённым камітэце дзяржаўнага кантролю – (0214) 46-17-42;
у Аршанскім міжраённым камітэце дзяржаўнага кантролю – (0216) 51-09-22.
