Мост у Пагіршчыны будзе закрыты!
Рух праз мост каля в. Пагіршчына (аўтадарога Обаль-Полацк) з 3 чэрвеня будзе закрыты.
Як паведаміў начальнік ДРБУ-204 Уладзімір Раманаў, пачынаюцца маставыя работы па аб’екце «Рэканструкцыя моста на аўтамабільнай дарозе Н-3950 Обаль-Полацк, км 15,543 Шумілінскага раёна». Згодна з распрацаванай праектна-каштарыснай дакументацыі працягласць будаўніцтва складзе 8 месяцаў (да 20 снежня бягучага года).
На час рэканструкцыі прадугледжаны аб’езд па аўтамабільных дарогах згодна схемам арганізацыі дарожнага руху: Р-20 Віцебск-Полацк-граніца Латвійскай Рэспублікі (Грыгароўшчына), Н-3207 Гараны-Домнікі.
Людміла ЗУЙКОВА.
