НА ПАЛЕТКАХ
Ворыва
У гаспадарках раёна выкананы і перавыкананы план вясенняга ворыва. Узарана 4935 гектараў (119% да патрэб-нага). У лідарах – ААТ «Ляжні» (292%) і ААТ «Прыазёрны мір» (186,9%). Перавыканалі план у ААТ «АграБаравінка», КУСГП «Ульскі» і Сіроцінскі», СУП «Лаўжанскае» і СФГ «Раднік».
Яравыя зерневыя
На раніцу 16 мая ў раёне засеяна 4975 гектараў яравых зерневых і зернебабовых (96% да патрэбнага). УП «Шумілінскі райаграсэрвіс», ААТ «Прыазёрны мір» і «Ляжні» перавыканалі план. Заканчваюць сяўбу ў СУП «Лаўжанскае» і СФГ «Раднік».
Рапс
У раёне завершана сяўба яравога рапсу. Усяго засеяна 857 гектараў (101% да плана). Больш за ўсіх будзе расці рапсу на палетках КУСГП «Сіроцінскі» – 220 гектараў. Гэта гаспадарка выканала план па сяўбе на 147%.
Кукуруза
У разгары сяўба кукурузы. Гэтай культуры засеяна 1896 гектараў (54% да плана). Поўнасцю справіліся з работай механізатары ААТ «Ляжні» (350 га). Блізкія да завяршэння сяўбы гэтай культуры ва УП «Шумілінскі райаграсэрвіс» (88%).
Ларыса КІСЯЛЁВА
