Што рабіць з чэкамі «Маёмасць?»
Адказ на гэтае пытанне ведае старшыня камітэта дзяржаўнай маёмасці аблвыканкама Петр Карабач, які на мінулым тыдні правёў у нашым раёне выязны прыём грамадзян і «прамую лінію». Адной жыхарцы раёна Петр Пятровіч і даў кампетэнтны адказ па гэтай тэме.
Рэдакцыя вырашыла надрукаваць каментарый па выкарыстанні чэкаў «Маёмасць» і на старонках газеты, каб нашы чытачы былі ў курсе актуальных навін.
У 1994 годзе ў нашай краіне была распачата праграма прыватызацыі, згодна з якой грамадзяне (старэй 18 год) маглі атрымаць чэкі «Маёмасць». Пазней гэтыя чэкі можна было абмяняць на акцыі беларускіх прадпрыемстваў ці на чэкі «Жыллё» (да 2007 года). Згодна з Пастановай Савета Міністраў Рэспублікі Беларусь № 546 ад 24.08.2022 г. «Аб абыходжанні імянных прыватызацыйных чэкаў «Маёмасць» тэрмін абыходжання чэкаў вызначаны да 31 снежня 2025 года.
Зараз чэкамі «Маёмасць» можна распарадзіцца двума спосабамі: абмяняць на акцыі прадпрыемстваў згодна з пералікам, які фарміруецца па тэрытарыяльным прынцыпе (па месцы рэгістрацыі іх уладальніка), ці падарыць блізкаму родзічу. Рэалізацыя чэкаў «Маёмасць» заканадаўствам не прадугледжана.
Для абмену чэкаў «Маёмасць» трэба звярнуцца ў аддзяленне Беларусбанка па месцы жыхарства, спецыяліст якога выдасць пералік прадпрыемстваў, акцыі якіх можна атрымаць. Афармленне працэдуры абмену, адкрыццё разліковага рахунка для атрымання дывідэндаў па акцыях ажыццяўляецца ў аддзяленні Беларусбанка па месцы жыхарства.
Больш падрабязную інфармацыю можна атрымаць без наведвання банка на старонцы https://belarusbank.by/ru/fizicheskim_licam/33357/28809/1776 «Спіс прыватызуемых прадпрыемстваў, акцыі якіх прапануюцца для абмену».
На 12 снежня 2023 года ў спісе знаходзілася 148 прадпрыемстваў Рэспублікі Беларусь, якія абменьваюць акцыі на чэкі «Маёмасць». Акцыі якога прадпрыемства выбіраць, рашаць уладальніку чэкаў.
Алена КАРПУШЭНКА.
