Перамог «Лідар»
Спорт яднае людзей розных узростаў. Спартыўныя баталіі цікавяць усіх: і ўдзельнікаў спаборніцтваў, якія імкнуцца да перамогі, і балельшчыкаў, якія падтрымліваюць свае каманды. Так было і на раённай спартландыі «Нас аб’ядноўвае спорт».
У спаборніцтвах бралі ўдзел падлеткі, якія стаяць на розных відах прафілактычнага кантролю з шумілінскіх СШ № 1 і СШ № 2, Обальскай і Мікіціхінскай школ. Яны выступалі ў камандах разам з маладымі міліцыянерамі і ратавальнікамі. З першага конкурсу каманды паказалі кемлівасць і спрыт, ніхто не хацеў прайграць – як вынік, упартая барацьба. Арганізатары пастараліся, каб кожны этап быў цікавым і арыгінальным. І трэба сказаць, удзельнікі як дарослыя, так і дзеці справіліся цудоўна.
Ва ўпартай барацьбе перамогу вырвала каманда «Лідар» Мікіціхінскай СШ. Кожны ўдзельнік мерапрыемства атрымаў дыплом і памятны падарунак.
Людміла Грузневіч, намеснік старшыні камісіі па справах непаўналетніх райвыканкама:
– Спартландыя «Нас аб’ядноўвае спорт» – традыцыйнае мерапрыемства, у якім удзельнічаюць як падлеткі, так і суб’екты прафілактыкі. Здорава, што разам з дзецьмі ў камандах былі ма-ладыя міліцыянеры і ратавальнікі. Гэта дае магчымасць не толькі разам змагацца за перамогу, а і паразмаўляць у неафіцыйнай атмасферы.
Вікторыя Бяляева, першы сакратар райкама ГА БРСМ:
– Моладзь і спорт заўсёды разам. Таму такія мерапрыемствы заўсёды праходзяць на «ўра». Упэўнена, што для некаторых спартландыя стане стымулам больш сур’ёзна трэніравацца.
Аляксандр ШЭДЗЬКО.
