«Моладзі не ўсё роўна, якой будзе будучыня»
Вікторыя БЯЛЯЕВА, першы сакратар райкама ГА БРСМ:
Беларуская моладзь – сапраўдныя патрыёты Беларусі. Мы добра разумеем, што менавіта маладым будаваць краіну і жыць тут. І нам не ўсё роўна, якой будзе гэта будучыня. Наша арганізацыя актыўна ўдзельнічае ва ўсіх электаральных кампаніях, тым самым дэманструючы сваю грамадзянскую пазіцыю. Шчыльна задзейнічаны члены аднаго з самых масавых маладзёжных грамадскіх аб’яднанняў у падрыхтоўцы і да маючых адбыцца выбараў. Моладзь Шуміліншчыны ўваходзіць у склад ініцыятыўных груп па зборы подпісаў для вылучэння кандыдатаў у дэпутаты. Дзевяць нашых актывістаў прадстаўлены у тэрытарыяльных камісіях. Дэлегуем таксама сваіх прадстаўнікоў у якасці назіральнікаў за ходам галасавання.
