П’яны ў грамадскім месцы? Чакай штраф
– Калі вы ў стане алкагольнага ап’янення, то лепш застацца дома, а не ісці ў месцы масавага адпачынку, у адукацыйныя, культурныя, дзіцячыя і медыцынскія ўстановы, – каменціруе ўчастковы інспектар Юрый Сільвестраў. – Не варта сваімі паводзінамі (як правіла, менавіта нецвярозых цягне на сваркі, бойкі і злачынствы) парушаць грамадскі парадак. У адваротным выпадку супрацоўнікі РАУС складуць адміністрацыйны пратакол па арт. 19.3 КаАП.
За распіццё алкагольных, слаба-алкагольных напіткаў або піва на вуліцы, стадыёне, у скверы, парку, транспарце або іншых грамадскіх месцах або з’яўленне ў гэтых месцах у стане алкагольнага ап’янення, які зневажае чалавечы гонар, пагражае штраф у памеры да 8 БВ.
Такія меры прымаюцца да грамадзян, якім споўнілася 16 гадоў. Калі падлетак не дасягнуў вызначанага ўзросту, адказ насць за яго паводзіны нясуць бацькі (штраф да 10 БВ). У выпадку, калі грамадзянін з’яўляецца нецвярозым у грамадскім месцы паўторна на працягу года, яму пагражае штраф ад 2 да 15 БВ, грамадскія работы або адміністрацыйны арышт.
Участковыя інспектары міліцыі дзяжу-раць па серадах у грамадскіх пунктах аховы правапарадку: з 10.00 да 13.00 –у сельскай мясцовасці і г. п. Обаль, з 17.00 да 20.00 – у Шуміліне.
Людміла ЗУЙКОВА.
