Акцыя «Нашы дзеці»
Да акцыі «Нашы дзеці» далучыліся дэпутаты раённага Савета дэпутатаў Святлана Іванова, Ларыса Маладзечкіна, Руслан Матвейчук.
Сёння яны выступілі ў ролі чараўніка: ажыццявілі мару дзесяцігадовага Уладзіслава Маладчонка з райцэнтра і ўручылі яму футбольны мяч і канструктар «Лега».
У акцыі «Нашы дзеці» прыняў удзел сектар культуры райвыканкама. І яшчэ на адно дзіця, жаданне якога ажыццявілася, стала больш.
Загадчык сектара Ірына Ласянкова і галоўны спецыяліст Вольга Данчанка наведалі сям’ю Наталлі Кодыравай з Мішкавіч і ўручылі навагоднія падарункі яе дачцэ Кацярыне.
У рамках навагодняй дабрачыннай акцыі «Нашы дзеці» работнікі Шумілінскай цэнтралізаванай бібліятэчнай сістэмы павіншавалі Куракову Карыну з надыходзячым Новым Годам і Ражаством.
Выканалі яе жаданне і ўручылі падарункавы набор касметыкі, ну і, канешне, салодкі падарунак.
