“Стараемся быць актыўнымі”
Наша раённая пярвічная арганізацыя грамадскага аб’яднання “Беларускае таварыства інвалідаў па зроку” аб’ядноўвае сёння 55 чалавек. Усе яны, нягледзячы на праблемы са здароўем, стараюцца быць актыўнымі і па магчымасці ўдзельнічаць у розных мерапрыемствах. Нашы сустрэчы праходзяць у памяшканні Цэнтра тэрытарыяльнага абслугоўвання насельніцтва на даму. Тут для нас працуе гурток “Акно ў свет”, дзе кожны можа авалодаць рознымі навыкамі па прыкладным мастацтве. Мы праводзім тэматычныя сустрэчы да розных дат. Напрыклад, з дапамогай спецыяліста Цэнтра Людмілай Графскай правялі цікавае мерапрыемства да Дня Перамогі. Рыхтуем сваімі рукамі сувеніры для юбіляраў, гутарым і спяваем песні за кубкам чаю. А нядаўна прымалі ўдзел у абласным аглядзе-конкурсе “Спявай, душа” ГА “БелТІЗ”, арганізаванага ў рамках парафестывалю аматарскай творчасці інвалідаў. У намінацыі “размоўны жанр” за аўтарскія вершы дыплом трэцяй ступені і прэмію атрымала наша сяброўка Ніна Рыгораўна Сіпко (на здымку трэцяя злева).
Мы і найдалей плануем прымаць актыўны ўдзел у розных раённых і абласных мерапрыемствах, бо толькі беручыся за ўсё з аптымізмам, можна перамагчы і нягоды, і нават праблемы са здароўем.
Г. МАРКАВА, старшыня Шумілінскай РА ГА “БелТІЗ”.
Надрукавана ў №44 ад 05.06.2012 г.
Четверг, 21.11.2024
