Музейная выстава «Калядная свечка»
Напярэдадні навагодніх і калядных святаў Шумілінскі гісторыка-краязнаўчы музей запрашае ўсіх жадаючых прыняць удзел у выставе-конкурсе творчых кампазіцый «Калядная свечка».
Святло каляднай свечкі на святочным стале – абавязковы атрыбут аднаго з самых шануемых сямейных святаў – Ражаства Хрыстова. Менавіта свечкі розных формаў, у падстаўках і падсвечніках, святочных кампазіцыях дапамагаюць пагрузіцца ў атмасферу таямнічасці і каляднай казкі.
Выказаць свае думкі і фантазіі, звязаныя з Калядамі, з дапамогай дэкаратыўна-прыкладнога мастацтва зможа кожны, прыняўшы ўдзел у выставе-конкурсе. Асноўная ўмова конкурсу: прадставіць на выставу творчую кампазіцыю, асновай якой будзе з’яўляцца свечка.
Работы прымаюцца ў Шумілінскім гісторыка-краязнаўчым музеі да 27 снежня 2023 года па адрасе: г. п. Шуміліна, вул. Кароткіна, 14А, тэл. для даведак 5 84 02.
Па выніках конкурсу будуць вызначаны пераможцы.
Падрыхтавала Алена КАРПУШЭНКА.
