«Вызначаны даты і мерапрыемствы навагодніх дабрачынных акцый «Нашы дзеці» і «Ад усёй душы».
Акцыя «Нашы дзеці» пройдзе з 15 снежня 2023 года па 15 студзеня 2024 года,
«Ад усёй душы» – з 3 па 15 студзеня 2024 года.
Кіраўнікі рэспубліканскіх органаў дзяржкіравання, мясцовых выканаўчых і распарадчых органаў наведаюць дзіцячыя інтэрнатныя ўстановы і дамы сямейнага тыпу, апякунскія і прыёмныя сем’і, сем’і, якія выхоўваюць дзяцей-інвалідаў, цэнтры карэкцыйна-развіваючага навучання і рэабілітацыі, дзіцячыя бальніцы, дзяржаўныя ўстановы, якія ажыццяўляюць стацыянарнае сацыяльнае абслугоўванне, аддзяленні кругласутачнага знаходжання тэрытарыяльных цэнтраў сацыяльнага абслугоўвання, бальніцы сястрынскага догляду і хоспісы. Яны павіншуюць дзяцей і пажылых грамадзян з Новым годам, Нараджэннем Хрыстовым і ўручаць падарункі, акажуць дапамогу ў вырашэнні існуючых праблем. Да дабрачынных акцый рэкамендавана далучыцца грамадскім аб’яднанням і іншым арганізацыям.
У час акцыі «Нашы дзеці» таксама плануюцца дабрачыннае дзіцячае навагодняе свята на базе Палаца Рэспублікі, рэспубліканскі навагодні баль і прадстаўленне з уручэннем падарункаў на базе Палаца Незалежнасці. Удзельнікамі гэтай акцыі стануць вучні кадэцкіх вучылішчаў і спецыялізаваных ліцэяў, пераможцы алімпіяд, творчых конкурсаў і спартыўных спаборніцтваў, вучні з поспехамі ў грамадскай рабоце, дзеці-сіроты і дзеці, якія засталіся без апекі бацькоў, дзеці-інваліды, дзеці з мнагадзетных і малазабяспечаных сем’яў, сем’яў бежанцаў і іншыя.
Удзельнікамі акцыі «Ад усёй душы» вызначаны ветэраны Вялікай Айчыннай вайны, ветэраны працы, доўгажыхары, адзінокія пажылыя людзі, пажылыя грамадзяне і інваліды, якія зна-ходзяцца ва ўстановах сацыяльнага абслугоўвання, бальніцах сястрынскага догляду, хоспісах.
Старшынёй аргкамітэта па правядзенні мерапрыемстваў у рамках акцый стаў намеснік прэм’ер-міністра Ігар Петрышэнка.
