Дапамога мнагадзетным сем’ям да пачатку навучальнага года
Да новага навучальнага года мнагадзетным сем’ям будзе аказана аднаразовая матэрыяльная дапамога на кожнага вучня, які вучыцца ва ўстановах агульнай сярэдняй і спецыяльнай адукацыі. Такое рашэнне «Аб мерах сацыяльнай падтрымкі да 2023/2024 навучальнага года мнагадзетных сямей» прыняў Шумілінскі раённы Савет дэпутатаў 16 чэрвеня 2023 года. Размер дапамогі складзе 30% бюджэту пражытачнага мінімуму ў сярэднім на душу насельніцтва, які будзе дзейнічаць на 1 жніўня 2023 года.
Матэрыяльная дапамога будзе прадастаўляцца згодна з рэістрацыяй па месцы жыхарства на падставе:
асабістай заявы аднаго з бацькоў;
дакумента, якія сведчыць асобу заяўніка;
даведкі пра месца жыхарства і склад сям’і;
даведак з устаноў адукацыі аб навучанні на кожнага вучня (з указаннем класа на 1 верасня 2023 года);
пасведчання мнагадзетнай сям’і;
выпіскі банкаўскага рахунка Беларусбанка (на імя заяўніка, на які будзе пералічана выплата).
Дзяржаўную падтрымку ў выглядзе дзяржаўнай адраснай сацыяльнай дапамогі змогуць атрымаць таксама малазабяспечаныя сем’і, сем’і з дзецьмі-інвалідамі альбо з бацькамі-інвалідамі.
Выплата дапамогі не прадугледжана на дзяцей, якія вучацца ў прафесійна-тэхнічных, вышэйшых і сярэдніх спецыяльных навучальных установах.
Дакументы з 4 ліпеня да 8 верасня прымаюцца па адрасе: г. п. Шуміліна, вул. Юбілейная, д. 8, Тэрытарыяльны цэнтр сацыяльнага абслугоўвання насельніцтва. Час работы цэнтра – з 8.00 да 13.00 і з 14.00 да 17.00, выхадныя – субота і нядзеля. Тэлефон для даведак 5 71 88.
Алена КАРПУШЭНКА.
