Служба 101 інфармуе. У Грышанах згарэў дачны дом
12 мая ў 14.20 у службу ратавання «101» паступіла паведамленне пра пажар дачнага дома ў вёсцы Грышаны Сіроцінскага сельсавета.
Калі да месца выкліку прыехалі ратавальнікі, назіралася адкрытае гарэнне дома, абвальванне даху. Пажарам знішчаны дом, пацярпелых няма.
Прычына пажару высвятляецца. Разглядаемыя версіі – парушэнне правілаў эксплуатацыі электрасетак і электраабсталявання або падпал (вінаватая асоба ўстанаўліваецца).
МНС пераканаўча просіць: не эксплуатуйце няспраўную, а таксама старую электраправодку. Ідучы з дому, пераканайцеся ў тым, што ўсе электрапрыборы выключаны. Тэлефон службы ратавання 101, 112.
