З клопатам пра пажылых
Як расказала першы сакратар райкама ГА БРСМ Вікторыя Бяляева, маладыя валанцёры Шуміліншчыны ў рамках эстафеты дабра прымаюць удзел у рэспубліканскай акцыі «Ад усёй душы», якая праходзіць у гэтыя дні па ўсёй краіне, і аказваюць дапамогу пажылым людзям і людзям з абмежаванымі магчымасцямі, ветэранам і іншым уразлівым групам насельніцтва.
Валанцёры «Добрага сэрца» пярвічных арганізацый ГА БРСМ дапамагаюць у расчыстцы снегу, нарыхтоўцы дроў – справах, з якімі пенсіянерам і адзінокапражываючым цяжка справіцца самім.
У райкаме ГА БРСМ працуе «гарачая лінія» – 5-17-24, на якую можна падаць заяўку аб дапамозе.
Аляксандр ШЭДЗЬКО.
