«Алея памяці»
Напярэдадні 77-годдзя з дня Вялікай Перамогі прайшла эколага-патрыятычная акцыя «Алея памяці», падчас якой вучні 6 «А» класа Шумілінскай СШ №1, узброіўшыся рыдлёўкамі і граблямі, дружна прыбралі мінулагоднюю лістоту, а пасля пасадзілі 20 каштанаў, 15 чырвоных дубоў і жывую агароджу ля помніка воінам-землякам.
З добрым настроем працавалі на пасадцы саджанцаў дрэў дзеці і бацькі. Сумесная дзейнасць даставіла масу прыемных момантаў, кожны ўнёс уклад у азеляненне тэрыторыі і захаванне навакольнага асяроддзя роднага пасёлка!
Акцыя «Алея памяці» дае магчымасць захаваць памяць пра гераізм удзельнікаў Вялікай Айчыннай вайны і аб’яднаць розныя пакаленні, перакананы старшыня Светласельскага сельсавета Людміла Васільева і начальнік аддзела ЗАГСа райвыканкама Ірына Якаўлева, пад кіраўніцтвам якіх прайшло мерапрыемства.
Вольга КОЦІКАВА,
пазаштатны карэспандэнт.
Надрукавана ў №33 ад 06.05.2022 г.
