Зорны час Дзедаў Марозаў
Навагодняя праграма мерапрыемстваў
На гэтым тыдні стартуюць навагоднія мерапрыемствы. Яны будуць ладзіцца па ўсім раёне, але пераважная большасць пройдзе ў Шуміліне. Не прапусціце! А пачынаецца ўсё з шэсця Дзедаў Марозаў і адкрыцця галоўнай ёлкі раёна.
24 снежня ў 16.00 – тэатралізаванае прадстаўленне «Новы год крочыць па планеце» (шэсце Дзедаў Марозаў і адкрыццё ёлкі ў парку);
25 снежня ў 11.00 і 13.00 – у Шумілінскім раённым цэнтры культуры адбудзецца прэм’ера інтэрактыўнага спектакля-казкі «Навагоднія прыгоды ў трыдзявятым царстве».
Казку таксама пакажуць 26 снежня ў 12.00 і 28 снежня ў 11.00;
25 снежня з 17.00 да 19.00 у парку пройдзе забаўляльная праграма «Час забаў ля навагодняй ёлкі»;
28 снежня ў Цэнтры культуры будзе ладзіцца навагодні ранішнік (раённая ёлка) у рамках дабрачыннай акцыі «Нашы дзеці»;
29 і 30 снежня (у 10.00 і 16.00) для дзяцей расчыніць дзверы рэзідэнцыя шумілінскага Дзеда Мароза. Хлопчыкаў і дзяўчынак чакае незвычайнае прадстаўленне з інтрыгуючай назвай «Рэзідэнцыя адна, а Дзедаў Марозаў два»;
29 і 30 снежня з 17.00 да 21.00, а таксама 31 снежня з 10.00 да 16.00 будзе арганізавана выязное тэатралізаванае прадстаўленне-віншаванне на даму «Спяшым павіншаваць вас з Новым годам!» (па заяўках жадаючых, званіце па тэлефоне 5-73-85, паслуга платная);
30 снежня з 17.00 да 19.00 можна будзе скарыстацца відэасувяззю з Дзедам Марозам «Дзед Мароз пад Новы год радасць у кожны дом нясе» (па заяўках жадаючых, званіце па тэлефоне 5-73-85, паслуга платная);
31 снежня будзе арганізаваны выязны дабрачынны ранішнік «Лабараторыя навагодніх дзівосаў» для дзяцей, якія знаходзяцца ў раённым сацыяльна-педагагічным цэнтры;
1 студзеня ў навагоднюю ноч з 1.00 да 4.00 аматараў павесяліцца ў гарадскім парку чакае інтэрактыўная танцавальная пляцоўка і тэатралізаванае прадстаўленне «Чарадзейства навагодніх агнёў», а ў Цэнтры культуры з 2.00 да 5.00 – дыскатэка для моладзі «Навагодні дыскабум»;
2 студзеня ў парку – танцавальна-забаўляльная праграма «Навагодні настрой» (з 17.00 да 19.00);
2 студзеня – гульнявая праграма «Зорны час» (Цэнтр культуры, 15.00);
3 студзеня – клубная віктарына «Усё пра Новы год» (Цэнтр культуры, 14.00);
3, 4, 6 студзеня (11.00) – паказ мультфільмаў і кінафільмаў у раённым цэнтры культуры;
4 студзеня – танцавальная праграма «Цікі-Токі» (Цэнтр культуры, 15.30 – 17.00);
5 студзеня – забаўляльная праграма «Навагодні інстаграм» (Цэнтр культуры, 11.00);
5 студзеня – дабрачынны тэатралізаваны канцэрт «Святло Нараджэння Хрыстова» (Цэнтр культуры, 17.00);
6 студзеня – квэст-гульня «Калядны клад» (парк, 15.00);
8 студзеня – забаўляльная праграма «Дружная кампанія» (Цэнтр культуры, 12.00);
9 студзеня – клубная гульнявая праграма «Вясёлая мятла» (парк, 14.00).
Святочныя мерапрыемствы будуць ладзіцца ва ўсіх клубах, бібліятэках, школах і дзіцячых садах раёна.
Апублікавана ў №100 ад 24.12.2021 г.
