Мікалай Будневіч: «У дзяржаве будзе ўсё добра толькі тады, калі ў кожнай сям’і будзе добра»
Раённую прэмію імя Героя Сацыялістычнай Працы С. Т. Пальвінскай сёлета атрымала Людміла Гайдукова, якая працуе здымшчыцай-укладчыцай на Обальскім керамічным заводзе.
У Дзень маці на ОКЗ прайшлі святочныя ўрачыстасці, падчас якіх старшыня раённага Савета дэпутатаў Мікалай Будневіч уручыў узнагароду Людміле Гайдуковай. Мікалай Аляксеевіч павіншаваў усіх жанчын са святам, падкрэсліўшы, што ў нашай дзяржаве ўсё робіцца для падтрымкі мацярынства і сям’і. «У дзяржаве будзе ўсё добра толькі тады, калі ў кожнай сям’і будзе добра», – падсумаваў сваё выступленне старшыня раённага Савета дэпутатаў.
Аляксандр ШЭДЗЬКО.
Апублікавана ў №80 ад 15.10.2021 г.
