Удакладніць базу дадзеных незанятых
На чарговым пасяджэнні раённай камісіі па садзейнічанні занятасці насельніцтва, якое правёў старшыня раённага Савета дэпутатаў Мікалай Будневіч, былі разгледжаны пытанні аб аднясенні да занятых у эканоміцы грамадзян, якія прадставілі пацвярджальныя дакументы.
Гэта навучэнцы каледжаў і ВНУ, асобы, якія займаюцца рамеснай ці іншай дзейнасцю, вырошчваннем сельскагаспадарчай прадукцыі на прысядзібных участках. Было адзначана, што заканадаўства дае магчымасць унесці свой уклад у эканоміку кожнаму грамадзяніну. Каб не трапіць у базу незанятых, часта не стае толькі жадання асобных грамадзян.
Мікалай Будневіч звярнуў увагу членаў камісіі не неабходнасць да канца красавіка ўдакладніць базу дадзеных не занятых у эканоміцы грамадзян, адпрацаваць па кожным чалавеку. Ён нагадаў, што з мая 2021 года не занятыя ў эканоміцы грамадзяне будуць па поўных тарыфах аплачваць не толькі гарачую ваду, але і ацяпленне, і газ, які ідзе на гэтыя патрэбы.
Сяргей ЕРМАЛАЕЎ.
Апублікавана ў №30 ад 20.04.2021 г.
