65 парушэнняў за тыдзень
За апошні тыдзень ліпеня інспекцыя аховы жывёльнага і расліннага свету правяла 39 рэйдаў па вадаёмах, паляўнічых і лясных угоддзях вобласці, у час якіх выявіла 65 парушэнняў Правілаў прыродаахоўнага заканадаўства.
З забароненымі прыладамі лоўлі і за незаконнае паляванне затрымана 45 парушальнікаў, у якіх канфіскавана 27 сетак, 25 кг рыбы, 8 іншых прылад рыбалоўства, 4 паляўнічыя ружжы. За парушэнне норм экалагічнай бяспекі і аховы расліннага свету складзена 20 пратаколаў. Вінаватыя прыцягнуты да адміністрацыйнай адказнасці. На трох парушальнікаў матэрыялы перададзены ў следчыя органы для прыняцця рашэння аб узбуджэнні крымінальнай справы.
Г. КУЗЮРЭНКА, старшы дзяржінспектар абласной інспекцыі аховы жывёльнага і расліннага свету.
Опубликовано в №60 от 06.08.2010
