Матчавая сустрэча па баскетболе
У СШ №2 г. п. Шуміліна прайшла таварыская сустрэча па баскетболе, у якой бралі ўдзел каманды раённага аддзела па надзвычайных сітуацыях, шумілінскіх СШ №1 і СШ №2. Як адзначыла в.а. першага сакратара райкама ГА БРСМ Вольга Рылова, у сустрэчы ўдзельнічалі пераважна члены маладзёжных атрадаў аховы правапарадку.
Ініцыятарамі мерапрыемства выступілі РАНС і райкам ГА БРСМ.
Зразумела, што перамога засталася за камандай РАНС. Хлопцам з шумілінскіх школ было цікава паспрабаваць свае сілы на баскетбольнай пляцоўцы супраць выратавальнікаў, кожнае забітае ачко выклікала літаральна шквал эмоцый. Другое месца занялі баскетбалісты з СШ №2, трэцяе – з СШ №1. Адзначым, што падобныя матчавыя сустрэчы сталі традыцыйнымі, апошняя праходзіла ў лютым.
Алесь САКАЛОЎ.
Надрукавана ў №90 ад 21.11.2017 г.
