У Шумілінскім раёне актыўна ідзе збор подпісаў
Як і па ўсёй краіне, у Шумілінскім раёне ідзе актыўны збор подпісаў у падтрымку прэтэндэнтаў на вышэйшую пасаду ў Беларусі. Члены ініцыятыўных груп абходзяць кватэры і дамы выбаршчыкаў, даволі актыўна выкарыстоўваецца і такая форма збору подпісаў, як пікетаванне.
Найбольшую актыўнасць праяўляюць члены ініцыятыўнай групы дзеючага кіраўніка краіны Аляксандра Лукашэнкі. Пікеты ў яго падтрымку праводзяць члены ініцыятыўнай групы ад розных грамадскіх арганізацый: прафсаюзы, ГА “Белая Русь”, ГА “БРСМ”.
Палітычную актыўнасць праяўляюць і выбаршчыкі нашага раёна: ахвотна адклікаюцца на прапановы зборшчыкаў подпісаў пакінуць свой аўтограф ў падтрымку Прэзідэнта. Многія жыхары райцэнтра вяртаюцца да пікета з дакументамі, каб падтрымаць свайго кандыдата.
Працавалі ў райцэнтры ініцыятыўныя групы іншых
прэтэндэнтаў. Так, на мінулым тыдні завітала ў райцэнтр ініцыятыўная група Сяргея Калякіна.
Збіраюць у раёне подпісы за Сяргея Гайдукевіч.
Іншыя групы, хутчэй за ўсё, выбіраюць для сваёй дзейнасці вялікія гарады.
Сяргей ПАЎЛАЎ.
