Свет веры
У гонар Маці Божай Фацімскай
13 мая ў санктуарыі Маці Божай Фацімскай прайшлі святочныя ўрачыстасці з нагоды 98-ай гадавіны аб’яўлення Маці Божай у Фаціме. Каля 350-ці вернікаў, шумілінцаў і пілігрымаў, сабраліся ў гэты дзень у Шуміліне для таго, каб разам памаліцца з нагоды вялікага свята.
Быў і біскуп Віцебскі Алег Буткевіч, які да таго ж адзначаў 15-годдзе свайго святарства. Ён выступаў перад вернікамі, гаварыў пра ўсепераможнасць веры, дабрыні і справядлівасці.
Дарэчы, роўна 15 год таму ў Шуміліне ўпершыню ладзілася свята ў гонар Маці Божай Фацімскай. І ў гэты раз па традыцыі пасля Імшы і працэсіі вакол касцёла ўсіх гасцей чакалі частаванні, ладзіўся канцэрт беларускага гурту “Рэха”.
Наталля ЧАРНІЧЭНКА.
Фота з сайта: Catholic.by
