5 мая – Вялікдзень (па календары праваслаўнай канфесіі)

Паважаныя веруючыя праваслаўнай канфесіі!
Раённы выканаўчы камітэт, раённы Савет дэпутатаў сардэчна віншуюць вас  са светлым святам Уваскрэсення Хрыстова!
Вось ужо больш за тысячу год кожную вясну Вялікдзень прыходзіць у дом кожнага хрысціяніна.
Гэта свята для многіх з’яўляецца сімвалам духоўных каштоўнасцяў: міласэрнасці, чалавекалюбства, справядлівасці, трыумфу дабра і  сапраўднай веры. Яно робіць наш свет духоўным і чыстым, натхняе на добрыя справы і ўчынкі.
Няхай велікодныя дні прынясуць у вашы дамы цяпло і спакой, дапамогуць падняцца над паўсядзённасцю і дробнымі спрэчкамі, падораць радасць сустрэч з роднымі і сябрамі.
Жадаем вам моцнага здароўя, нязгасных душэўных і фізічных сіл, шчасця і поспехаў.