Дзве тысячы прыгажунь
Работнікі Шумілінскага лясгасу напярэдадні Новага года мяркуюць прадаць дзве тысячы лясных прыгажунь. Продаж елак пачнецца ўжо на гэтым тыдні – з 20 снежня. Пра гэта рэдакцыі расказаў галоўны інжынер лясгасу С. М. Голубеў.
Елкі і сосны будуць прадавацца ва ўсіх лясніцтвах раёна. “Лясную прыгажуню вышынёю да аднаго метра можна будзе купіць за 25 тысяч рублёў, ад аднаго да двух метраў – за 33 тысячы рублёў, ад двух да трох метраў – за 50 тысяч рублёў”, – расказаў Сяргей Міхайлавіч.
Лясгас заключыў дагавор з райспапажыўтаварыствам, у магазінах якога таксама з’явяцца ў продажы елкі. А яшчэ работнікі лясгасу мяркуюць прадаваць з 20 па 31 снежня ўключна елкі ў Віцебску.
Ларыса ЗАЙЦАВА.
Надрукавана ў №100 ад 18.12.2012 г.
Две тысячы ёлок продаст Шумилинский лесхоз населению
