Ідзе ворыва
На палетках сельгаспрадпрыемстваў раёна працуюць трактары з плугамі. План веснавога ворыва – 1926 гектараў. На раніцу 3 красавіка ўзарана 990 гектараў (51,4%). Выканалі і перавыканалі планы ААТ «Ляжні», КУСГП «Ульскі», СФГ «Раднік». На 85% справіліся ў ААТ «Прыазёрны мір», на 67% – ТАА «Вітконпрадукт».
Вывозяць арганіку
Запланавана вывезці на палеткі 195 тысяч тон арганікі. 173,1 тыс. тон (88,8%) ужо знаходзяцца на палетках. ААТ«АграБаравінка», СФГ «Раднік» і КУСГП «Ульскі» справіліся з заданнем больш як на 90%.
Рыхтуюць глебу да сяўбы
Услед за плугамі на палеткі выязджаюць трактары з дыскатарамі, чызелямі, баронамі. Усяго падрыхтавана глебы да сяўбы 1712 гектараў. Больш за ўсіх гатова палеткаў (больш як па 300 га) ў ААТ «Ляжні» і «АграБаравінка».
Уносяць тукі
Палеткі ўгнойваюць калійнымі тукамі. На 3086 гектараў пад яравую сяўбу ў гаспадарках раёна ўнесена 335,6 тоны дзеючага рэчыва.
Засяваюць яравыя
У гаспадарках раёна трэба засеяць 4064 гектары ранніх яравых зерневых. Справіліся на 30,6% (1242 га). Больш за ўсіх засена яравых зерневых у ААТ «АграБаравінка» – 300 гектараў.
Вядуць падкормку
На палетках заканчваецца падкормка азімых зерневых. Работы выкананы на 93,6%. Блізкая за завяршэння і падкормка азімага рапсу. З патрэбных 2162 гектараў падкормлена 1730 (80%). Справіліся з работай ААТ «АграБаравінка», «Ляжні», «Прыазёрны мір», СФГ «Раднік» і КУСГП «Ульскі».
