Адзін з асноўных аб’ектаў Шумілінскай ПМК-70 – будаўніцтва 40-rватэрнага дома ў Шуміліне па завулку Угнявёнка, 9.
Тут штодзень працуюць да 40 чалавек. «На будоўлі задзейнічаны муляры, цесляры, тынкоўшчыкі, сантэхнікі, электрыкі, – расказаў галоўны інжынер прадпрыемства Раман Карасёў. – Работы выконваюцца па графіку. Плануем, што дом будзе здадзены летам».
У новым доме будзе 20 аднапакаёвых кватэр і 20 двухпакаёвых. Практычна ўсё жыллё будзе арэндным.
– Муляры ўзвялі чатыры з паловай паверха. Цесляры ўстанаўліваюць вокны, у хуткім часе возьмуцца за дзверы, – правёў экскурсію па аб’екце старшы майстар Дзмітрый Каралёў. – У тынкоўшчыкаў фронт работ як унутры кватэр, так і на фасадзе будынка. Сантэхнікі і электрыкі праводзяць падрыхтоўчыя работы. Асаблівасць гэтага дома ў тым, што ў ім будзе ліфт – першы ў шматкватэрных дамах Шуміліна. Шахту робім мы, а сам ліфт будуць устанаўліваць спецыялісты з Магілёва. Для нашага прадпрыемства будаўніцтва дамоў з ліфтамі не ў навіну: падобны ўзводзілі ў Гарадку.
Аляксандр ШЭДЗЬКО.
