Красавік – марафон чысціні
Кожную вясну беларусы наводзяць парадак. Гэтай добрай традыцыі ўжо шмат гадоў, і сваю актуальнасць яна, напэўна, не страціць ніколі. Ды і хто, калі не мы самі, зробім свой раён чыстым і прыгожым?
Распараджэннем старшыні райвыканкама ў Шумілінскім раёне з 1 па 30 красавіка аб’яўлены месячнікам па добраўпарадкаванні і санітарнай ачыстцы населеных пунктаў.
Марафон чысціні закране паркі, скверы, двары, тэрыторыі арганізацый і прадпрыемстваў раёна. Акрамя традыцыйнай уборкі пройдзе вясновая пасадка дрэў і кустоў, азеляненне, рамонт і афарбоўка малых архітэктурных форм, ліківдацыя несанкцыянаваных звалак.
Як далучыцца да месячніка? Усё проста: пачаць з малога, навесці парадак каля свайго дома, на сваёй вуліцы, на сваім прысядзібным участку.
