Мікалай БУДНЕВІЧ, старшыня Шумілінскага раённага Савета дэпутатаў:
– Інаўгурацыя Прэзідэнта – не проста ўрачыстая цырымонія, гэта гістарычная падзея для ўсёй краіны. Мерапрыемства паказала, наколькі магутная наша краіна, наколькі дружная. Выступленне Аляксандра Рыгоравіча Лукашэнкі будзе гістарычным. У ім ён падвёў вынікі развіцця Беларусі за 30 год, за гэты час Беларусь стала суверэннай і моцнай дзяржавай. Прэзідэнт ад сябе асабіста падзякаваў усім, хто быў задзейнічаны ў правядзенні выбараў. Ну, і канешне, паставіў задачы на будучую пяцігодку. Прыярытэты нязменныя: мір, бяспека, дабрабыт роднай Беларусі, годнасць нацыі і дастатак кожнага беларуса. Сярод важных накірункаў Прэзідэнт вызначыў развіццё дарожнага і жыллёвага будаўніцтва, барацьбу з бюракратыяй і карупцыяй. Гэта ён паабяцаў зрабіць.
Перапаўняла пачуццё гонару за Прэзідэнта, калі ён пахваліўся сваім народам, адзначыў, што Беларусь – усё яго жыццё. Словы вельмі дастойныя.
Гэта знакавая падзея яшчэ раз пацвердзіла адданасць Кіраўніка дзяржавы нашай Радзіме і гатоўнасць служыць яе народу.
