Якой тэхнікай сеяць будзем?
У гаспадарках раёна ў разгары тэхагляд сельгастэхнікі. Яго прайшлі ўжо больш за палову трактароў і прычэпаў, расказаў галоўны інспектар па наглядзе за тэхнічным станам машын і абсталявання райсельгасхарчу Яўген Дзятлоўскі.
Тэхніка ў сельгасарганізацыях у асноўным адрамантавана, механізатары заканчваюць дробныя работы – мяняюць масла ў рухавіках, паліўныя і масляныя фільтры. У разгар пасяўной на палетках раёна будуць працаваць 12 камбінаваных глебаапрацоўваючых пасяўных агрэгатаў. Сярод іх чатыры трохмятровыя, астатнія – шасцімятровыя. Усе энерганасычаныя трактары (іх у раёне 27) будуць задзейнічаны на сяўбе зерневых і зернебабовых. А яшчэ на палях будуць працаваць МТЗ-1221 з чызелямі, чатырохкорпуснымі плугамі.
У сельгаспрадпрыемствах маюцца 16 культыватараў, 10 дыскатараў.
Самаходныя энергетычныя машыны «Дзвіна» і «Раса» працуюць ужо на па летках па ўнясенні вадкіх мінеральных угнаенняў.
Лідзія РУМЯНЦАВА.
