23 сакавіка ў раёне здарыліся два пажары: гарэў дом і гаспадарчыя пабудовы ў в. Казьяны і лазня ў в. Навікі.
Паведамленне пра пажар у Казьянах паступіла ў службу ратавання 101 23 сакавіка ў 00.52. У выніку агнём знішчаны тры надворныя пабудовы. Пацярпелых няма. Дом выкарыстоўваўся як дача. Прычына пажару высвятляецца. Разглядаецца версія неасцярожнага абыходжання з агнём пры спальванні сухой расліннасці.
Паведамленне пра пажар лазні ў Навіках паступіла ў 14.40. Агнём пабудова знішчана поўнасцю. Прычынай пажару стала парушэнне правілаў эксплуатацыі печкі.
Ратавальнікі нагадваюць: неасцярожнае абыходжанне з агнём пры спальванні сухой расліннасці – частая прычына пажараў і гібелі людзей ад іх. Каб пазбегнуць трагедыі, выконвайце элементарныя правілы пажарнай бяспекі. Пры ўзнікненні надзвычайнай сітуацыі тэлефануйце 101 ці 112.
Вадзім ПІВАВАРАЎ, інспектар РАНС
