Слухаць і чуць
У аўторак, 25 лютага, дэпутат абласнога Савета дэпутатаў па Шумілінскай выбарчай акрузе № 52 начальнік Галоўнага ўпраўлення Віцебскага аблвыканкама Міхаіл Вішнявецкі працаваў у раёне.
Разам са старшынёй раённага Савета дэпутатаў Мікалаем Будневічам ён прыняў удзел у пасяджэнні Каўлякоўскага сельвыканкама, на якім былі разгледжаны пытанні работы са зваротамі грамадзян і дзейнасці ўчастковага інспектара на тэрыторыі сельсавета за 2024 год.
З даклада кіраўніка справамі сельвыканкама Ірыны Жыгуновай:
– У 2024 годзе ў сельвыканкам паступіла 10 вусных зваротаў (2023 г. – 9), з якіх 5 – па пытаннях ЖКГ, не было пісьмовых, электронных, калектыўных зваротаў. З вышэйстаячых арганізацый паступілі 3 даручэнні.
З даклада ўчастковага інспектара Віктара Галузы:
– Абстаноўка на тэрыторыі Каўлякоўскага сельсавета характарызуецца як спакойная і кантралюемая. За мінулы год на тэрыторыі сельсавета назіралася зніжэнне злачынстваў з 3 да 2, не дапушчана цяжкіх злачынстваў. За сямейнае насілле стаяць на ўліку двое жыхароў. Сёлета выяўлены факт самагонаварэння, захоўвання брагі і самагоннага апарата ў аг. Крывое Сяло.
М. Л. Вішнявецкі пацікавіўся работай назіральных камісій, удзелам у іх суб’ектаў прафілактыкі. Асобна закрануў работу сістэмы аховы здароўя раёна. «Мне цікава ведаць меркаванне наконт работы галіны з пункта гледжання жыхароў аддаленых ад райцэнтра населеных пунктаў», – адзначыў ён.
Потым Міхаіл Лявонцьевіч правёў прыём грамадзян у будынку сельвыканкама. Жыхарка аг. Крывое Сяло спытала, ці ёсць у афганцаў ільготы на пратэзаванне. На жаль, заканадаўствам такія льготы не прадугледжаны, даў адказ дэпутат. Па заканчэнні асабістага прыёму Мікалай Будневіч і Міхаіл Вішнявецкі абмеркавалі шэраг актуальных пытанняў, якія тычацца развіцця сістэмы аховы здароўя раёна.
Алена КАРПУШЭНКА.
