Пра парламенцкую дзейнасць і ролю ўстаноў культуры
Член Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці генеральны дырэктар Цэнтра культуры «Віцебск» Глеб ЛАПІЦКІ правёў сустрэчу з работнікамі культуры ў Шумілінскім гісторыка-краязнаўчым музеі.
Падчас сустрэчы сенатар падрабязна расказаў пра дзейнасць Савета Рэспублікі і пра заканатворчую работу, якая праводзіцца беларускім парламентам. Была акцэнтавана ўвага ролі ўстаноў культуры ў выхаванні падрастаючага пакалення і ўсебаковым развіцці асобы.
«Установы культуры павінны не толькі фарміраваць творчыя навыкі і эстэтычны густ, але і спрыяць развіццю інтэлектуальных, маральных і грамадзянскіх якасцей, неабходных для паспяховай самарэалізацыі ў сучасным грамадстве», – адзначыў сенатар.
Асаблівую ўвагу ў сваім выступленні Глеб Лапіцкі надаў пытанням міжнароднага супрацоўніцтва, міжпарламенцкага дыялогу для развіцця Беларусі.
Падрыхтавала Алена КАРПУШЭНКА.
