САЦЫЯЛЬНАЯ АБАРОНА Ў ЛІЧБАХ І ФАКТАХ
Пад апекай сацыяльнай службы практычна ўсе катэгорыі насельніцтва
Рэалізацыя дзяржаўнай палітыкі па пытаннях садзейнічання занятасці, пенсійнага забеспячэння, сацыяльнай падтрымкі насельніцтва, забеспячэння гарантый – галоўныя напрамкі дзейнасці ўпраўлення па працы, занятасці і сацыяльнай абароне райвыканкама.
Пад апекай раённай службы знаходзяцца практычна ўсе катэгорыі насельніцтва Шуміліншчыны: дзеці, мнагадзетныя сем’і, пенсіянеры і інваліды, удзельнікі і ветэраны Вялікай Айчыннай вайны. Іншымі словамі, усе тыя, хто мае патрэбу ў дзяржаўнай дапамозе ў сілу розных жыццёвых абставін.
Пенсійнае забеспячэнне
Найважнейшым складнікам сістэмы сацыяльнай абароны з’яўляецца пен сійнае забеспячэнне. Па інфармацыі начальніка ўпраўлення па працы, заня тасці і сацыяльнай абароне райвыканкама Ларысы Жукавай, у нашым раёне пенсіі на 1 студзеня 2025 года выплачваліся 5443 атрымальнікам. У мінулым годзе па пытаннях прызначэння пенсій, пераводу з адной пенсіі на другую і пераразлікаў пенсій ва ўпраўленне звярнулася 557 чалавек, з іх за пры значэннем пенсіі – 476 чалавек. Па 81 справе праведзены пераразлік пенсій па заявах грамадзян.
На 1 студзеня 2025 года ва ўпраўлен ні знаходзілася на ўліку 39 атрымальнікаў дапамог па доглядзе за інвалідамі першай групы або асобамі, якія дасягнулі 80гадовага ўзросту. У 2024 годзе за прызначэннем такіх дапамог звярнуліся 23 чалавекі.
Падтрымка сямей
На 1 студзеня 2025 года ва ўпраўленні на ўліку знаходзілася 116 атрымальнікаў дапамог сем’ям, якія выхоўваюць дзяцей. Ім выплачвалася 189 штомесячных дапамог (75 дапамог па доглядзе за дзіцяці ва ўзросце да 3х гадоў; 44 дапамогі сем’ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў; 18 дапамог на дзяцей старэй за 3 гады з асобных катэгорый сямей; 52 дапамогі па доглядзе за дзіцяці інвалідам ва ўзросце да 18 гадоў).
У 2024 годзе сем’ям было прызначана 99 штомесячных дапамог (37 дапамог сем’ям па доглядзе за дзіцяці ва ўзросце да 3х гадоў; 28 дапамог на дзяцей ад 3 гадоў з асобных катэгорый сем’яў; 18 на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў; 16 – па доглядзе за дзіцем-інвалідам ва ўзросце да 18 гадоў), а таксама 34 аднаразовыя дапамогі (1 выплата пры нараджэнні дваіх і больш дзяцей на набыццё дзіцячых рэчаў першай неабходнасці; 18 дапамог сем’ям у сувязі з нараджэннем дзіцяці; 15 дапамог жанчынам, якія сталі на ўлік у дзяржаўных арганізацыях аховы здароўя да 12тыднёвага тэрміну цяжарнасці).
Па словах Ларысы Жукавай, у 2024 годзе ў Шумілінскім раёне прынята 16 рашэнняў аб прызначэнні сямейнага капіталу, датэрмінова выкары сталі гэтыя сродкі 18 сем’яў. Пераваж на – на паляпшэнне жыллёвых умоў (9), атрыманне медыцынскіх паслуг (3) і па гашэнне крэдытаў (3). Наогул, з пачатку дзеяння закону, са студзеня 2015 года, у раёне прынята 313 рашэнняў аб прызначэнні сямейнага капіталу, дзвюм сем’ям было адмоўлена ў прызначэнні.
Праца і занятасць
У 2024 годзе ў раённую службу занятасці па пытаннях пошуку працы звярнуліся 244 чалавекі, з іх працаўладкавана 230. На прафесійнае навучанне накіравана 8 чалавек, у тым ліку 7 – пад заказ наймальнікаў. За мінулы год да памога па беспрацоўі выплачана 31 грамадзяніну.
На новае месца жыхарства і работы пераселена 1 сям’я беспрацоўных з аказаннем фінансавай падтрымкі. Аднаму беспрацоўнаму выдадзена субсідыя на адкрыццё ўласнай справы. Адзін інвалід працаўладкаваны ў рамках адаптацыі да працоўнай дзейнасці ў ТЦСАН кіраўніком гуртка. Два грамадзяніны працаўладкаваны ў рамках палажэння «вопыт практычнай работы» ў КУСГП «Сіроцінскі» і ААТ «Верхнядзвінскі масласырзавод».
Другасная занятасць
Для падлеткаў на канікулах упраўленне па працы, занятасці і сацыяльнай абароне райвыканкама арганізуе працоўную занятасць. Усяго ў 2024 годзе такім шанцам скарысталіся 116 хлопцаў і дзяўчат. Вучні добраўпарадкоўвалі школьныя тэрыторыі, рамантавалі школьную мэблю, займаліся пашывам пасцельных прыналежнасцяў, фіранак, сцэнічных касцюмаў, вырабам стэндаў.
Алена КАРПУШЭНКА
