З клопатам і ўвагай – да людзей залатога ўзросту
У рэспубліканскай дабрачыннай акцыі “Ад усёй душы”, якая праходзіла ў краіне з 26 снежня па 15 студзеня, прынялі ўдзел 2110 жыхароў раёна, у тым ліку 236 чалавек – гэта моладзь і школьнікі.
«Усяго падчас акцыі павіншавалі 1614 г рамадзян залатога ўзросту, – падлічыла загадчык аддзялення ТЦСАН Ларыса Забаўская. – Да акцыі далучыліся прадстаўнікі раённай улады, грамадскіх арганізацый, прадпрыемстваў раёна, школ, устаноў культуры. Многа мерапрыемстваў праведзена работнікамі Тэрытарыяльнага цэнтра: віншаванняў, выстаў, марафонаў». Мерапрыемствы па ўшанаванні ветэранаў працы прайшлі ў многіх арганізацыях.
Арганізатары акцый выказваюць шчырыя словы ўдзячнасці кожнаму ўдзельніку за ўвагу, спагаду і міласэрнасць.
Ларыса ЗАЙЦАВА.
