Вялікае свята ў Обальскім дзіцячым сацыяльным прытулку
З надыходзячым Новым годам і Калядамі 27 снежня прыехалі павіншаваць рабят, якія ў гэтыя навагоднія дні знаходзяцца ў Обальскім дзіцячым сацыяльным прытулку, шматлікія госці: раённы дэпутацкі корпус на чале са старшынёй райсавета дэпутатаў Мікалаем Будневічам, прадстаўнікі аддзела па адукацыі райвыканкама, суда і пракуратуры Шумілінскага раёна, аддзелаў Следчага камітэта і па надзвычайных сітуацыях, аддзела прымусовага выканання, ваенкамата, участка электрасувязі «Белтэлекама», раёна газазабеспячэння, РАУС, аддзялення аховы, «Беларусбанка», «Водаканалбудсэрвісу», ААТ «Віцебскія дываны», настаяцель Свята-Ануфрыеўскага храма Уладзімір Пучынскі, былы дырэктар Обальскай школы Аляксандр Штокін.
«Новы год – час падарункаў і спаўнення дзіцячых мар. Чараўніцтвам і добрымі справамі напоўнена дабрачынная акцыя «Нашы дзеці», ініцыяваная кіраўніком краіны Аляксандрам Лукашэнкам, – зазначыў на свяце Мікалай Будневіч. – Традыцыйна мы віншуем дзяцей, якія, магчыма, крыху больш за іншых маюць патрэбу ў пяшчоце, клопаце і цудах».
Спортінвентар, адпарвальнік, сертыфікат на ўмацаванне матэрыяльна-тэхнічнай базы ўстановы, падарункі дзецям, канцэлярыя, цацкі, мёд і шматпрысмакаў было ўручана на свяце.
Работнікі і выхаванцы прытулка падарылі гасцям святочнае прадстаўленне, дзе было шмат усмешак, сюрпрызаў, жартаў, гульняў і добрага настрою.
Алена КАРПУШЭНКА.
