Сустрэча з працоўным калектывам, маніторынг цэн
24 снежня дэпутат Палаты прадстаўнікоў Нацыянальнага сходу Рэспублікі Беларусь Аляксандр Стома працаваў у Шумілінскім раёне.
Спачатку Аляксандр Мікалаевіч правёў сустрэчу з працоўным калектывам ТАА «Альянспластрэсурс», на якой расказаў пра работу ў Парламенце, больш падрабязна спыніўся на рабоце над законапраектам аб змяненнях у законы па пытаннях ветэранаў.
Закрануў і актуальную тэму электаральнай кампаніі, падкрэсліўшы, што ад свядомага выбару кожнага беларуса залежыць далейшае развіццё краіны.
Пасля Аляксандр Стома разам з начальнікам аддзела ідэалагічнай работы і па справах моладзі райвыканкама Русланам Матвейчуком накіраваўся ў гандлёвыя аб’екты райцэнтра, каб правесці маніторынг цэн і асартыменту ў гэтыя навагоднія дні.
«Выбар тавараў добры, пратэрмінаваных тавараў не выяўлена, — адзначыў Аляксандр Мікалаевіч. — Завышаных цэн не зафіксавана».
Аляксандр ШЭДЗЬКО.
