Хрыстос нарадзіўся! Славім Яго!
«На ўсёй зямлі, дзе ходзіць сонца,
Ад першых промняў да змяркання
Праслаўлены хай будзе Хрыстус,
Народжаны з Марыі Панны.»
Дарагія браты і сёстры!
У гэтыя светлыя дні Божага Нараджэння я звяртаюся да ўсіх жыхароў нашага раёна – вернікаў розных канфесій і тых, хто яшчэ ў пошуках Бога. Нараджэнне Хрыста – гэта не толькі вялікая радасць для хрысціян, але і падзея, якая змяніла ход усяго чалавецтва, прынёсшы надзею і мір.
Жадаю кожнаму з вас сапраўднага супакою ў сэрцы і вашых сем’ях, які не залежыць ад акалічнасцяў жыцця. Няхай гэтае свята стане момантам, калі вы спыніцеся ў штодзённым клопаце, каб знайсці час для Бога, для сябе і сваіх блізкіх, асабліва для слоў прабачэння і падтрымкі. Бо толькі адкрыўшы сэрца Божай Любові, мы зможам убачыць сапраўдны сэнс жыцця і падзяліцца гэтым святлом з іншымі.
З малітвай, айцец Яўгеній Шымановіч, настаяцель Касцёла Маці Божай Фацімскай.
РАСКЛАД НАБАЖЭНСТВАЎ:
24 снежня
23.30 – Шуміліна.
25 снежня
9.00 – Шуміліна
11.30 – Мішкавічы
13.00 – Обаль.
