Паездка на ёлку – падарунак і ўзнагарода
Зусім хутка дабрачынныя ёлкі збяруць дзяцей, каб сустрэць у казачнай атмасферы калядныя і навагоднія святы. Пра тое, калі і хто з дзяцей нашага раёна паедзе на святы, даведаліся ў начальніка аддзела па адукацыі райвыканкама Аксаны Талстой.
27 снежняў РЦК пройдзе раённае дабрачыннае навагодняе свята. Плануец-ца, што ў ім прыме ўдзел каля 150 дзяцей з усіх школ раёна. Хто будзе ўдзельнічаць у свяце, вызначаць непасрэдна ва ўстановах адукацыі. Зараз дакладна можна сказаць, што там будуць дзеці, якім дзяржава аказвае ўсебаковую падтрымку.
27 снежняў Віцебску пройдзе абласная дабрачынная ёлка з удзелам старшыні Віцебскага аблвыканкама Аляксандра Субоціна. На свяце зараджацца навагоднім настроем будуць 25 шумілінскіх дзяцей з кожнай школы раёна.
І самы вялікі гонар – трапіць на дабрачынную навагоднюю ёлку з удзелам Прэзідэнта Беларусі Аляксандра Лукашэнкі. Сёлета яна пройдзе ў Мінску ў Палацы Рэспублікі 26-27 снежня.
Шумілінскі раён на свяце будуць прадстаўляць вучаніца 4 класа Слабадской базавай школы Ксенія Герцык, вучань 8 «Б» класа СШ № 2 г. п. Шуміліна Ілья Жураўкін і вучаніца 7 класа Башнёўскай базавай школы Дар’я Бегунова.
Прадстаўляем нашых дэлегатаў. Ксенія Герцык са шматдзетнай сям’і. Сёлетні год у яе быў вельмі «ўраджайным»: перамогі ў рэспубліканскім конкурсе творчых работ «Права на дзяцінства» і абласным конкурсе па астраноміі «Пакажы шлях зоркалёту». Таксама дзяўчына стала лепшай на раённым этапе «100 талентаў для каралевы», у конкурсе малюнкаў «Мы разам» у рамках рэспубліканскай акцыі «Марафон адзінства», конкурсе маладзёжных праектаў «Моднае народнае».
У скарбонцы Ільі Жураўкіна перамога ў міжнародным конкурсе «Марозка‑2023», другое месца ў міжнародным фестывалі‑конкурсе «Славянскія гулянні», перамога ў абласным конкурсе «Калядная зорка» і «Тэхнаёлка», дыплом ІІ ступені ў раённай канферэнцыі навуковых работ і дыплом ІІІ ступені ў раённай навукова‑практычнай канферэнцыі «Квант».
Дар’я Бегунова – неаднаразовы пераможца і прызёр раённай спартакіяды школьнікаў, пераможца раённага этапа рэспубліканскага конкурсу відэарэпартажаў «Упрыгож Беларусь кветкамі».
Аляксандр ШЭДЗЬКО.
