З часцінкай душы і навагодняй і навагодняй энергетыкай
Снежань – асаблівы месяц для майстроў філіяла «Шумілінскі дом рамёстваў» раённага цэнтра культуры: тут робяць калядныя і навагоднія сувеніры.
Ва ўмелых руках Ларысы АЎДОШКА нараджаюцца Дзяды Марозы і ёлачкі, алені і гномы, і, канечне, сімвал надыходзячага года – змеі.
Кожны сувенір – непаўторны, лагодны і добры, бо ў яго ўкладзена часцінка душы майстра. «Навагод-нія сувеніры трэба рабіць толькі з усмешкай і добрым настроем, – пераканана Ларыса. – Толькі ў такім выпадку яны будуць са святочнай навагодняй энергетыкай».
Дарэчы, кожны жадаючы можа набыць навагодні сувенір ад майстроў Дома рамёстваў пры наведванні ўстановы культуры, а таксама ў гарадскім парку падчас шэсця Дзедаў Марозаў, якое пройдзе 24 снежня.
Аляксандр ШЭДЗЬКО.
