У рэдакцыю патэлефанавалі нашы чытачы і папрасілі расказаць на старонках раёнкі,калі будзе адрамантаваны мост праз раку Обаль каля Пагіршчыны.
Заказчыкам будаўніцтва з’яўляецца КУП “Віцебскаблдарбуд». Маставыя работы па аб’екце “Рэканструкцыя моста на аўтамабільнай дарозе Н-3950, км 15,543 Шумілінскага ра-ёна” былі распачаты ў маі, патлумачылі сітуацыю на прадпрыемстве. Меркавалася, што мост адрамантуюць да канца снежня. Але не атрымалася. «У працэ-се дэмантажу выявіліся новыя сур’ёзныя дэфекты, і трэба было поўнасцю мяняць пліты пралётнага збудавання, – удакладняе сітуацыю начальнік упраўлен-ня ўтрымання дарог і бяспекі дарожнага руху «Віцебскаблдарбуду» Надзея Байкова. – Спатрэбіўся час на ўнясенне змяненняў у праектна-каштарысную дакументацыю, на заключэнне дзяржэкспертызы. Зараз работы адноўлены.
Мост будзе ўведзены ў эксплуатацыю ў красавіку наступнага года. Усяго на рэканструкцыю будзе затрачана больш за чатыры мільёны рублёў, гэта сродкі абласнога бюджэту».
Ларыса КІСЯЛЁВА.
