На возеры загінуў рыбак
Як паведаміў старшыня раённай арганізацыі Таварыства ратавання на водах Аляксандр Шарафутдзінаў, у панядзелак на возеры Заронаўскае было знойдзена цела мужчыны без прыкмет жыцця.
1 снежня ў міліцыю звярнулася жыхарка Віцебска і паведаміла, што яе 74-гадовы муж адправіўся на возера Заронаўскае парыбаліць з лодкі і знік. У панядзелак возера было даследавана дронам, з дапамогай якога ў зарасніках чароту былі знойдзены лодка і цела мужчыны.
Прычыны смерці мужчыны высвятляюцца.
