Пра здарэнні ў раёне расказаў намеснік начальніка РАУС Аляксандр Шумінскі.
За мінулы тыдзень у аператыўнадзяжурную службу РАУС паступілі 54 заявы і паведамленні грамадзян.
Выяўлена 28 адміністрацыйных правапарушэнняў, у тым ліку па 8 – за дамашняе насілле і знаходжанне ў грамадскім месцы ў стане алкагольнага ап’янення.
Праведзена адпрацоўка 23 асоб, якія маюць судзімасць, а таксама прафілактычная адпрацоўка 9 асоб, якія стаяць на прафілактычных уліках у РАУС. Трое жыхароў раёна накіраваны ў лячэбнапрацоўныя прафілакторыі.
Адбылося тры ДТЗ без пацярпелых. Супрацоўнікамі ДАІ на дарогах раёна выяўлены 42 парушэнні правілаў дарожнага руху. Двое вадзіцеляў праехалі дарогу на забараняючае святло святлафора. Правілы дарожнага руху парушылі 6 пешаходаў – 4 з іх ішлі па праезнай частцы дарогі ў цёмны час сутак без святловяртальных элементаў.
Заднім ходам
Жыхар Віцебска, рухаючыся заднім ходам на аўтамабілі ГАЗ, наехаў на «Сітраен», які належыць жыхару райцэнтра. Парушальніку пагражае штраф ад 5 да 20 базавых велічынь.
Не размінуліся
Жыхар райцэнтра, які на МТЗ выязджаў з заправачнай станцыі ў Шуміліне, не ўступіў дарогу аўтамабілю «Рэно» (за рулём быў віцяблянін), што рухаўся па галоўнай дарозе. На шумілінца складзены адміністрацыйны пратакол, пагражае штраф да 20 БВ з пазбаўленнем вадзіцельскіх правоў на два гады або без пазбаўлення.
Людміла ЗУЙКОВА.
