З маладым імпэтам
Маладых спецыялістаў, якія працуюць у канторы ААТ «Прыазёрны мір», аб’ядноўвае імкненне спасцігаць новае, унікаць у нюансы работы.
Намеснік галоўнага бухгалтара Анастасія Рубцова прыехала ў Дабею з Полацка, адпрацавала абавязковыя два гады і засталася ў гаспадарцы. Яна робіць справаздачы па пагалоўі і прывагах жывёлы, надоеным малаку, паступленні тэхнікі. Ёсць верагоднасць, што дзяўчына застанецца тут назаўсёды, бо менавіта на Шуміліншчыне знайшла каханне.
Галоўны бухгалтар Анжаліка Федарэнка родам з Ушач, працуе ў раёне другі год. Яна займаецца налічэннем заробку, робіць разлікі з крэдыторамі, пералічвае падаткі. Ёй разам Дзіянай Гарбачовай, якая прыехала год таму з Полацкага раёна, прадаставілі кватэру са зручнасцямі ў Амбросавічах. Яна інспектар па кадрах і па сумяшчальнасці юрыст.
Кіраўніцтва гаспадаркі задаволена маладымі спецыялістамі, усе трое завочна атрымліваюць вышэйшую адукацыю. Анастасія і Анжаліка вучацца ў БДЭУ, Дзіяна – у Віцебскім дзяржаўным ўніверсітэце. Так што ў «Прыазёрным міры» хутка будуць дыпламаваныя спецыялісты.
